LXX Psalms 82
Widgets to be programmed here




1. ᾠδὴ ψαλμοῦ τῷ Aσαφ

2. θεός τίς ὁμοιωθήσεταί σοι μὴ σιγήσῃς μηδὲ καταπραύ+νῃς θεός

3. ὅτι ἰδοὺ οἱ ἐχθροί σου ἤχησαν καὶ οἱ μισοῦντές σε ἦραν κεφαλήν

4. ἐπὶ τὸν λαόν σου κατεπανουργεύσαντο γνώμην καὶ ἐβουλεύσαντο κατὰ τῶν ἁγίων σου

5. εἶπαν δεῦτε καὶ ἐξολεθρεύσωμεν αὐτοὺς ἐξ ἔθνους καὶ οὐ μὴ μνησθῇ τὸ ὄνομα Iσραηλ ἔτι

6. ὅτι ἐβουλεύσαντο ἐν ὁμονοίᾳ ἐπὶ τὸ αὐτό κατὰ σοῦ διαθήκην διέθεντο

7. τὰ σκηνώματα τῶν Iδουμαίων καὶ οἱ Iσμαηλῖται *μωαβ καὶ οἱ Aγαρηνοί

8. *γεβαλ καὶ Aμμων καὶ Aμαληκ καὶ ἀλλόφυλοι μετὰ τῶν κατοικούντων *τύρον

9. καὶ γὰρ καὶ Aςουρ συμπαρεγένετο μετ' αὐτῶν ἐγενήθησαν εἰς ἀντίλημψιν τοῖς υἱοῖς *λωτ διάψαλμα

10. ποίησον αὐτοῖς ὡς τῇ *μαδιαμ καὶ τῷ *σισαρα ὡς Iαβιν ἐν τῷ χειμάρρῳ *κισων

11. ἐξωλεθρεύθησαν ἐν Aενδωρ ἐγενήθησαν ὡσεὶ κόπρος τῇ γῇ

12. θοῦ τοὺς ἄρχοντας αὐτῶν ὡς τὸν Ωρηβ καὶ *ζηβ καὶ *ζεβεε καὶ *σαλμανα πάντας τοὺς ἄρχοντας αὐτῶν

13. οἵτινες εἶπαν κληρονομήσωμεν ἑαυτοῖς τὸ ἁγιαστήριον τοῦ θεοῦ

14. θεός μου θοῦ αὐτοὺς ὡς τροχόν ὡς καλάμην κατὰ πρόσωπον ἀνέμου

15. ὡσεὶ πῦρ διαφλέξει δρυμόν ὡς εἰ φλὸξ κατακαύσαι ὄρη

16. οὕτως καταδιώξεις αὐτοὺς ἐν τῇ καταιγίδι σου καὶ ἐν τῇ ὀργῇ σου ταράξεις αὐτούς

17. πλήρωσον τὰ πρόσωπα αὐτῶν ἀτιμίας καὶ ζητήσουσιν τὸ ὄνομά σου κύριε

18. αἰσχυνθήτωσαν καὶ ταραχθήτωσαν εἰς τὸν αἰῶνα τοῦ αἰῶνος καὶ ἐντραπήτωσαν καὶ ἀπολέσθωσαν

19. καὶ γνώτωσαν ὅτι ὄνομά σοι κύριος σὺ μόνος ὕψιστος ἐπὶ πᾶσαν τὴν γῆν















Parse Information
Hover over the lovely Greek words to see parse information.