LXX Psalms 66
Widgets to be programmed here




1. εἰς τὸ τέλος ἐν ὕμνοις ψαλμὸς ᾠδῆς

2. θεὸς οἰκτιρήσαι ἡμᾶς καὶ εὐλογήσαι ἡμᾶς ἐπιφάναι τὸ πρόσωπον αὐτοῦ ἐφ' ἡμᾶς διάψαλμα

3. τοῦ γνῶναι ἐν τῇ γῇ τὴν ὁδόν σου ἐν πᾶσιν ἔθνεσιν τὸ σωτήριόν σου

4. ἐξομολογησάσθωσάν σοι λαοί θεός ἐξομολογησάσθωσάν σοι λαοὶ πάντες

5. εὐφρανθήτωσαν καὶ ἀγαλλιάσθωσαν ἔθνη ὅτι κρινεῖς λαοὺς ἐν εὐθύτητι καὶ ἔθνη ἐν τῇ γῇ ὁδηγήσεις διάψαλμα

6. ἐξομολογησάσθωσάν σοι λαοί θεός ἐξομολογησάσθωσάν σοι λαοὶ πάντες

7. γῆ ἔδωκεν τὸν καρπὸν αὐτῆς εὐλογήσαι ἡμᾶς θεὸς θεὸς ἡμῶν

8. εὐλογήσαι ἡμᾶς θεός καὶ φοβηθήτωσαν αὐτὸν πάντα τὰ πέρατα τῆς γῆς















Parse Information
Hover over the lovely Greek words to see parse information.