LXX Psalms 59
Widgets to be programmed here




1. εἰς τὸ τέλος τοῖς ἀλλοιωθησομένοις ἔτι εἰς στηλογραφίαν τῷ *δαυιδ εἰς διδαχήν

2. ὁπότε ἐνεπύρισεν τὴν *μεσοποταμίαν *συρίας καὶ τὴν *συρίαν *σωβα καὶ ἐπέστρεψεν Iωαβ καὶ ἐπάταξεν τὴν φάραγγα τῶν ἁλῶν δώδεκα χιλιάδας

3. θεός ἀπώσω ἡμᾶς καὶ καθεῖλες ἡμᾶς ὠργίσθης καὶ οἰκτίρησας ἡμᾶς

4. συνέσεισας τὴν γῆν καὶ συνετάραξας αὐτήν ἴασαι τὰ συντρίμματα αὐτῆς ὅτι ἐσαλεύθη

5. ἔδειξας τῷ λαῷ σου σκληρά ἐπότισας ἡμᾶς οἶνον κατανύξεως

6. ἔδωκας τοῖς φοβουμένοις σε σημείωσιν τοῦ φυγεῖν ἀπὸ προσώπου τόξου διάψαλμα

7. ὅπως ἂν ῥυσθῶσιν οἱ ἀγαπητοί σου σῶσον τῇ δεξιᾷ σου καὶ ἐπάκουσόν μου

8. θεὸς ἐλάλησεν ἐν τῷ ἁγίῳ αὐτοῦ ἀγαλλιάσομαι καὶ διαμεριῶ *σικιμα καὶ τὴν κοιλάδα τῶν σκηνῶν διαμετρήσω

9. ἐμός ἐστιν *γαλααδ καὶ ἐμός ἐστιν *μαναςη καὶ Eφραιμ κραταίωσις τῆς κεφαλῆς μου Iουδας βασιλεύς μου

10. *μωαβ λέβης τῆς ἐλπίδος μου ἐπὶ τὴν Iδουμαίαν ἐκτενῶ τὸ ὑπόδημά μου ἐμοὶ ἀλλόφυλοι ὑπετάγησαν

11. τίς ἀπάξει με εἰς πόλιν περιοχῆς τίς ὁδηγήσει με ἕως τῆς Iδουμαίας

12. οὐχὶ σύ θεός ἀπωσάμενος ἡμᾶς καὶ οὐκ ἐξελεύσῃ θεός ἐν ταῖς δυνάμεσιν ἡμῶν

13. δὸς ἡμῖν βοήθειαν ἐκ θλίψεως καὶ ματαία σωτηρία ἀνθρώπου

14. ἐν δὲ τῷ θεῷ ποιήσομεν δύναμιν καὶ αὐτὸς ἐξουδενώσει τοὺς θλίβοντας ἡμᾶς















Parse Information
Hover over the lovely Greek words to see parse information.