LXX Psalms 53
Widgets to be programmed here




1. εἰς τὸ τέλος ἐν ὕμνοις συνέσεως τῷ *δαυιδ

2. ἐν τῷ ἐλθεῖν τοὺς *ζιφαίους καὶ εἰπεῖν τῷ σαουλ οὐκ ἰδοὺ *δαυιδ κέκρυπται παρ' ἡμῖν

3. θεός ἐν τῷ ὀνόματί σου σῶσόν με καὶ ἐν τῇ δυνάμει σου κρῖνόν με

4. θεός εἰσάκουσον τῆς προσευχῆς μου ἐνώτισαι τὰ ῥήματα τοῦ στόματός μου

5. ὅτι ἀλλότριοι ἐπανέστησαν ἐπ' ἐμέ καὶ κραταιοὶ ἐζήτησαν τὴν ψυχήν μου οὐ προέθεντο τὸν θεὸν ἐνώπιον αὐτῶν διάψαλμα

6. ἰδοὺ γὰρ θεὸς βοηθεῖ μοι καὶ κύριος ἀντιλήμπτωρ τῆς ψυχῆς μου

7. ἀποστρέψει τὰ κακὰ τοῖς ἐχθροῖς μου ἐν τῇ ἀληθείᾳ σου ἐξολέθρευσον αὐτούς

8. ἑκουσίως θύσω σοι ἐξομολογήσομαι τῷ ὀνόματί σου κύριε ὅτι ἀγαθόν

9. ὅτι ἐκ πάσης θλίψεως ἐρρύσω με καὶ ἐν τοῖς ἐχθροῖς μου ἐπεῖδεν ὀφθαλμός μου















Parse Information
Hover over the lovely Greek words to see parse information.