LXX Psalms 146
Widgets to be programmed here




1. αλληλουια Aγγαιου καὶ *ζαχαριου αἰνεῖτε τὸν κύριον ὅτι ἀγαθὸν ψαλμός τῷ θεῷ ἡμῶν ἡδυνθείη αἴνεσις

2. οἰκοδομῶν Iερουσαλημ κύριος καὶ τὰς διασπορὰς τοῦ Iσραηλ ἐπισυνάξει

3. ἰώμενος τοὺς συντετριμμένους τὴν καρδίαν καὶ δεσμεύων τὰ συντρίμματα αὐτῶν

4. ἀριθμῶν πλήθη ἄστρων καὶ πᾶσιν αὐτοῖς ὀνόματα καλῶν

5. μέγας κύριος ἡμῶν καὶ μεγάλη ἰσχὺς αὐτοῦ καὶ τῆς συνέσεως αὐτοῦ οὐκ ἔστιν ἀριθμός

6. ἀναλαμβάνων πραεῖς κύριος ταπεινῶν δὲ ἁμαρτωλοὺς ἕως τῆς γῆς

7. ἐξάρξατε τῷ κυρίῳ ἐν ἐξομολογήσει ψάλατε τῷ θεῷ ἡμῶν ἐν κιθάρᾳ

8. τῷ περιβάλλοντι τὸν οὐρανὸν ἐν νεφέλαις τῷ ἑτοιμάζοντι τῇ γῇ ὑετόν τῷ ἐξανατέλλοντι ἐν ὄρεσι χόρτον καὶ χλόην τῇ δουλείᾳ τῶν ἀνθρώπων

9. διδόντι τοῖς κτήνεσι τροφὴν αὐτῶν καὶ τοῖς νεοςοῖς τῶν κοράκων τοῖς ἐπικαλουμένοις αὐτόν

10. οὐκ ἐν τῇ δυναστείᾳ τοῦ ἵππου θελήσει οὐδὲ ἐν ταῖς κνήμαις τοῦ ἀνδρὸς εὐδοκεῖ

11. εὐδοκεῖ κύριος ἐν τοῖς φοβουμένοις αὐτὸν καὶ ἐν τοῖς ἐλπίζουσιν ἐπὶ τὸ ἔλεος αὐτοῦ















Parse Information
Hover over the lovely Greek words to see parse information.