LXX Judges 18
Widgets to be programmed here




1. ἐν ταῖς ἡμέραις ἐκείναις οὐκ ἦν βασιλεὺς ἐν Iσραηλ καὶ ἐν ταῖς ἡμέραις ἐκείναις ἐζήτει φυλὴ τοῦ *δαν ἑαυτῇ κληρονομίαν τοῦ κατοικεῖν ὅτι οὐκ ἔπεσεν αὐτῇ ἕως τῶν ἡμερῶν ἐκείνων ἐν μέσῳ φυλῶν Iσραηλ κληρονομία

2. καὶ ἐξαπέστειλαν οἱ υἱοὶ *δαν ἐκ τῶν συγγενειῶν αὐτῶν πέντε ἄνδρας ἀπὸ μέρους αὐτῶν υἱοὺς δυνάμεως ἐκ *σαραα καὶ Eσθαολ τοῦ κατασκέψασθαι τὴν γῆν καὶ ἐξιχνιάσαι αὐτὴν καὶ εἶπαν πρὸς αὐτούς πορεύεσθε καὶ ἐξεραυνήσατε τὴν γῆν καὶ παρεγένοντο εἰς ὄρος Eφραιμ ἕως οἴκου *μιχα καὶ κατέπαυσαν ἐκεῖ

3. αὐτῶν ὄντων παρὰ τῷ οἴκῳ *μιχα καὶ αὐτοὶ ἐπέγνωσαν τὴν φωνὴν τοῦ παιδαρίου τοῦ νεωτέρου τοῦ *λευίτου καὶ ἐξέκλιναν ἐκεῖ καὶ εἶπαν αὐτῷ τίς ἤγαγέν σε ὧδε καὶ τί ποιεῖς ἐνταῦθα καὶ τί σοί ἐστιν ὧδε

4. καὶ εἶπεν πρὸς αὐτούς οὕτως καὶ οὕτως ἐποίησέν μοι *μιχα καὶ ἐμισθώσατό με καὶ ἐγενήθην αὐτῷ εἰς ἱερέα

5. καὶ εἶπαν αὐτῷ ἐπερώτησον δὴ ἐν τῷ θεῷ καὶ γνωσόμεθα εἰ κατευοδοῖ ὁδὸς ἡμῶν ἣν ἡμεῖς πορευόμεθα ἐπ' αὐτήν

6. καὶ εἶπεν αὐτοῖς ἱερεύς πορεύεσθε εἰς εἰρήνην ἐνώπιον κυρίου ὁδὸς ὑμῶν καθ' ἣν ὑμεῖς πορεύεσθε ἐν αὐτῇ

7. καὶ ἐπορεύθησαν οἱ πέντε ἄνδρες καὶ παρεγένοντο εἰς *λαισα καὶ εἶδον τὸν λαὸν τὸν κατοικοῦντα ἐν αὐτῇ καθήμενον ἐν ἐλπίδι κατὰ τὴν σύγκρισιν τῶν *σιδωνίων ἡσυχάζοντας ἐν ἐλπίδι καὶ μὴ δυναμένους λαλῆσαι ῥῆμα ὅτι μακράν εἰσιν ἀπὸ *σιδῶνος καὶ λόγος οὐκ ἦν αὐτοῖς μετὰ *συρίας

8. καὶ παρεγένοντο οἱ πέντε ἄνδρες πρὸς τοὺς ἀδελφοὺς αὐτῶν εἰς *σαραα καὶ Eσθαολ καὶ ἔλεγον αὐτοῖς οἱ ἀδελφοὶ αὐτῶν τί ὑμεῖς κάθησθε

9. καὶ εἶπαν ἀνάστητε καὶ ἀναβῶμεν ἐπ' αὐτούς ὅτι εἰσήλθαμεν καὶ ἐνεπεριεπατήσαμεν ἐν τῇ γῇ ἕως *λαισα καὶ εἴδομεν τὸν λαὸν τὸν κατοικοῦντα ἐν αὐτῇ ἐν ἐλπίδι κατὰ τὸ σύγκριμα τῶν *σιδωνίων καὶ μακρὰν ἀπέχοντες ἐκ *σιδῶνος καὶ λόγος οὐκ ἦν αὐτοῖς μετὰ *συρίας ἀλλὰ ἀνάστητε καὶ ἀναβῶμεν ἐπ' αὐτούς ὅτι εὑρήκαμεν τὴν γῆν καὶ ἰδοὺ ἀγαθὴ σφόδρα καὶ ὑμεῖς σιωπᾶτε μὴ ὀκνήσητε τοῦ πορευθῆναι τοῦ ἐλθεῖν καὶ κατακληρονομῆσαι τὴν γῆν

10. ἡνίκα ἂν εἰσέλθητε ἥξετε πρὸς λαὸν πεποιθότα καὶ γῆ εὐρύχωρος ὅτι παρέδωκεν αὐτὴν θεὸς ἐν χειρὶ ὑμῶν τόπος οὗ οὐκ ἔστιν ἐκεῖ ὑστέρημα παντὸς ῥήματος ὅσα ἐν τῇ γῇ

11. καὶ ἀπῆραν ἐκ συγγενείας τοῦ *δαν ἐκ *σαραα καὶ Eσθαολ ἑξακόσιοι ἄνδρες περιεζωσμένοι σκεύη πολεμικά

12. καὶ ἀνέβησαν καὶ παρενεβάλοσαν ἐν *καριαθιαριμ ἐν Iουδα διὰ τοῦτο ἐκλήθη τῷ τόπῳ ἐκείνῳ *παρεμβολὴ *δαν ἕως τῆς ἡμέρας ταύτης ἰδοὺ κατόπισθεν *καριαθιαριμ

13. παρῆλθαν ἐκεῖθεν καὶ ἦλθαν ἕως τοῦ ὄρους Eφραιμ καὶ ἦλθον ἕως οἴκου *μιχα

14. καὶ ἀπεκρίθησαν οἱ πέντε ἄνδρες οἱ πορευόμενοι κατασκέψασθαι τὴν γῆν καὶ εἶπαν πρὸς τοὺς ἀδελφοὺς αὐτῶν εἰ οἴδατε ὅτι ἐν τοῖς οἴκοις τούτοις εφουδ καὶ θεραφιν καὶ γλυπτὸν καὶ χωνευτόν καὶ νῦν γνῶτε τί ποιήσετε

15. καὶ ἐξέκλιναν ἐκεῖ καὶ εἰσήλθοσαν εἰς τὸν οἶκον τοῦ παιδαρίου τοῦ *λευίτου εἰς τὸν οἶκον *μιχα καὶ ἠσπάσαντο αὐτόν

16. καὶ οἱ ἑξακόσιοι ἄνδρες περιεζωσμένοι σκεύη πολεμικὰ ἐστηλωμένοι παρὰ τὴν θύραν τοῦ πυλῶνος οἱ ἐκ τῶν υἱῶν *δαν

17. καὶ ἀνέβησαν οἱ πέντε ἄνδρες οἱ πορευόμενοι κατασκέψασθαι τὴν γῆν ἐπελθόντες ἐκεῖ ἔλαβον τὸ γλυπτὸν καὶ τὸ εφουδ καὶ τὸ θεραφιν καὶ τὸ χωνευτόν καὶ ἱερεὺς ἐστηλωμένος παρὰ τῇ θύρᾳ τοῦ πυλῶνος καὶ οἱ ἑξακόσιοι ἄνδρες οἱ περιεζωσμένοι σκεύη πολεμικά

18. καὶ οὗτοι εἰσῆλθον εἰς οἶκον *μιχα καὶ ἔλαβον τὸ γλυπτὸν καὶ τὸ εφουδ καὶ τὸ θεραφιν καὶ τὸ χωνευτόν καὶ εἶπεν πρὸς αὐτοὺς ἱερεύς τί ὑμεῖς ποιεῖτε

19. καὶ εἶπαν πρὸς αὐτόν κώφευσον ἐπίθες τὴν χεῖρά σου ἐπὶ τὸ στόμα σου καὶ ἐλθὲ μεθ' ἡμῶν καὶ ἔσῃ ἡμῖν εἰς πατέρα καὶ εἰς ἱερέα μὴ βέλτιον εἶναί σε ἱερέα οἴκου ἀνδρὸς ἑνὸς γίνεσθαί σε ἱερέα φυλῆς καὶ συγγενείας ἐν Iσραηλ

20. καὶ ἠγαθύνθη καρδία τοῦ ἱερέως καὶ ἔλαβεν τὸ εφουδ καὶ τὸ θεραφιν καὶ τὸ γλυπτὸν καὶ τὸ χωνευτὸν καὶ εἰσῆλθεν ἐν μέσῳ τοῦ λαοῦ

21. καὶ ἐπέστρεψαν καὶ ἀπῆλθαν καὶ ἔταξαν τὴν πανοικίαν καὶ τὴν κτῆσιν αὐτοῦ τὴν ἔνδοξον ἔμπροσθεν αὐτῶν

22. αὐτῶν δὲ μεμακρυγκότων ἀπὸ τοῦ οἴκου *μιχα καὶ ἰδοὺ *μιχα καὶ οἱ ἄνδρες οἱ σὺν τῷ οἴκῳ μετὰ *μιχα ἔκραζον κατοπίσω υἱῶν *δαν

23. καὶ ἐπέστρεψαν οἱ υἱοὶ *δαν τὰ πρόσωπα αὐτῶν καὶ εἶπαν πρὸς *μιχα τί ἐστίν σοι ὅτι ἔκραξας

24. καὶ εἶπεν *μιχα ὅτι τὸ γλυπτόν μου ἐποίησα ἐμαυτῷ ἐλάβετε καὶ τὸν ἱερέα καὶ ἀπήλθατε καὶ τί ἐμοὶ ἔτι καὶ τί τοῦτο λέγετέ μοι τί τοῦτο κράζεις

25. καὶ εἶπον πρὸς αὐτὸν οἱ υἱοὶ *δαν μὴ ἀκουσθήτω δὴ φωνή σου μεθ' ἡμῶν μήποτε ἀπαντήσωσιν ὑμῖν ἄνδρες κατώδυνοι ψυχῇ καὶ προσθήσεις τὴν ψυχήν σου καὶ τὴν ψυχὴν τοῦ οἴκου σου

26. καὶ ἐπορεύθησαν οἱ υἱοὶ *δαν εἰς τὴν ὁδὸν αὐτῶν καὶ εἶδεν *μιχα ὅτι ἰσχυρότεροί εἰσιν αὐτοῦ καὶ ἐξένευσεν καὶ ἀνέστρεψεν εἰς τὸν οἶκον αὐτοῦ

27. καὶ αὐτοὶ ἔλαβον ὅσα ἐποίησεν *μιχα καὶ τὸν ἱερέα ὃς ἦν αὐτῷ καὶ ἦλθον ἕως *λαισα ἐπὶ λαὸν ἡσυχάζοντα καὶ πεποιθότα καὶ ἐπάταξαν αὐτοὺς ἐν στόματι ῥομφαίας καὶ τὴν πόλιν ἐνέπρησαν

28. καὶ οὐκ ἔστιν ἐξαιρούμενος ὅτι μακράν ἐστιν ἀπὸ *σιδωνίων καὶ λόγος οὐκ ἔστιν αὐτοῖς μετὰ ἀνθρώπων καὶ αὐτὴ ἐν κοιλάδι ἐστιν τοῦ οἴκου Ροωβ καὶ ᾠκοδόμησαν τὴν πόλιν καὶ κατῴκησαν ἐν αὐτῇ

29. καὶ ἐκάλεσαν τὸ ὄνομα τῆς πόλεως *δαν κατὰ τὸ ὄνομα τοῦ πατρὸς αὐτῶν ὃς ἐγενήθη τῷ Iσραηλ καὶ ἦν *λαις ὄνομα τῇ πόλει τὸ πρότερον

30. καὶ ἀνέστησαν ἑαυτοῖς οἱ υἱοὶ τοῦ *δαν τὸ γλυπτὸν *μιχα καὶ Iωναθαν υἱὸς *γηρσωμ υἱοῦ *μωυσῆ αὐτὸς καὶ οἱ υἱοὶ αὐτοῦ ἦσαν ἱερεῖς τῇ φυλῇ *δαν ἕως τῆς ἡμέρας τῆς μετοικεσίας τῆς γῆς

31. καὶ ἔταξαν ἑαυτοῖς τὸ γλυπτὸν *μιχα ἐποίησεν πάσας τὰς ἡμέρας ὅσας ἦν οἶκος τοῦ θεοῦ ἐν *σηλω















Parse Information
Hover over the lovely Greek words to see parse information.