LXX Genesis 30
Widgets to be programmed here




1. ἰδοῦσα δὲ Ραχηλ ὅτι οὐ τέτοκεν τῷ Iακωβ καὶ ἐζήλωσεν Ραχηλ τὴν ἀδελφὴν αὐτῆς καὶ εἶπεν τῷ Iακωβ δός μοι τέκνα εἰ δὲ μή τελευτήσω ἐγώ

2. ἐθυμώθη δὲ Iακωβ τῇ Ραχηλ καὶ εἶπεν αὐτῇ μὴ ἀντὶ θεοῦ ἐγώ εἰμι ὃς ἐστέρησέν σε καρπὸν κοιλίας

3. εἶπεν δὲ Ραχηλ τῷ Iακωβ ἰδοὺ παιδίσκη μου *βαλλα εἴσελθε πρὸς αὐτήν καὶ τέξεται ἐπὶ τῶν γονάτων μου καὶ τεκνοποιήσομαι κἀγὼ ἐξ αὐτῆς

4. καὶ ἔδωκεν αὐτῷ *βαλλαν τὴν παιδίσκην αὐτῆς αὐτῷ γυναῖκα εἰσῆλθεν δὲ πρὸς αὐτὴν Iακωβ

5. καὶ συνέλαβεν *βαλλα παιδίσκη Ραχηλ καὶ ἔτεκεν τῷ Iακωβ υἱόν

6. καὶ εἶπεν Ραχηλ ἔκρινέν μοι θεὸς καὶ ἐπήκουσεν τῆς φωνῆς μου καὶ ἔδωκέν μοι υἱόν διὰ τοῦτο ἐκάλεσεν τὸ ὄνομα αὐτοῦ *δαν

7. καὶ συνέλαβεν ἔτι *βαλλα παιδίσκη Ραχηλ καὶ ἔτεκεν υἱὸν δεύτερον τῷ Iακωβ

8. καὶ εἶπεν Ραχηλ συνελάβετό μοι θεός καὶ συνανεστράφην τῇ ἀδελφῇ μου καὶ ἠδυνάσθην καὶ ἐκάλεσεν τὸ ὄνομα αὐτοῦ *νεφθαλι

9. εἶδεν δὲ *λεια ὅτι ἔστη τοῦ τίκτειν καὶ ἔλαβεν *ζελφαν τὴν παιδίσκην αὐτῆς καὶ ἔδωκεν αὐτὴν τῷ Iακωβ γυναῖκα

10. εἰσῆλθεν δὲ πρὸς αὐτὴν Iακωβ καὶ συνέλαβεν *ζελφα παιδίσκη *λειας καὶ ἔτεκεν τῷ Iακωβ υἱόν

11. καὶ εἶπεν *λεια ἐν τύχῃ καὶ ἐπωνόμασεν τὸ ὄνομα αὐτοῦ *γαδ

12. καὶ συνέλαβεν *ζελφα παιδίσκη *λειας καὶ ἔτεκεν ἔτι τῷ Iακωβ υἱὸν δεύτερον

13. καὶ εἶπεν *λεια μακαρία ἐγώ ὅτι μακαρίζουσίν με αἱ γυναῖκες καὶ ἐκάλεσεν τὸ ὄνομα αὐτοῦ Aσηρ

14. ἐπορεύθη δὲ Ρουβην ἐν ἡμέραις θερισμοῦ πυρῶν καὶ εὗρεν μῆλα μανδραγόρου ἐν τῷ ἀγρῷ καὶ ἤνεγκεν αὐτὰ πρὸς *λειαν τὴν μητέρα αὐτοῦ εἶπεν δὲ Ραχηλ τῇ *λεια δός μοι τῶν μανδραγορῶν τοῦ υἱοῦ σου

15. εἶπεν δὲ *λεια οὐχ ἱκανόν σοι ὅτι ἔλαβες τὸν ἄνδρα μου μὴ καὶ τοὺς μανδραγόρας τοῦ υἱοῦ μου λήμψῃ εἶπεν δὲ Ραχηλ οὐχ οὕτως κοιμηθήτω μετὰ σοῦ τὴν νύκτα ταύτην ἀντὶ τῶν μανδραγορῶν τοῦ υἱοῦ σου

16. εἰσῆλθεν δὲ Iακωβ ἐξ ἀγροῦ ἑσπέρας καὶ ἐξῆλθεν *λεια εἰς συνάντησιν αὐτῷ καὶ εἶπεν πρός με εἰσελεύσῃ σήμερον μεμίσθωμαι γάρ σε ἀντὶ τῶν μανδραγορῶν τοῦ υἱοῦ μου καὶ ἐκοιμήθη μετ' αὐτῆς τὴν νύκτα ἐκείνην

17. καὶ ἐπήκουσεν θεὸς *λειας καὶ συλλαβοῦσα ἔτεκεν τῷ Iακωβ υἱὸν πέμπτον

18. καὶ εἶπεν *λεια ἔδωκεν θεὸς τὸν μισθόν μου ἀνθ' οὗ ἔδωκα τὴν παιδίσκην μου τῷ ἀνδρί μου καὶ ἐκάλεσεν τὸ ὄνομα αὐτοῦ Iςαχαρ ἐστιν *μισθός

19. καὶ συνέλαβεν ἔτι *λεια καὶ ἔτεκεν υἱὸν ἕκτον τῷ Iακωβ

20. καὶ εἶπεν *λεια δεδώρηταί μοι θεὸς δῶρον καλόν ἐν τῷ νῦν καιρῷ αἱρετιεῖ με ἀνήρ μου ἔτεκον γὰρ αὐτῷ υἱοὺς ἕξ καὶ ἐκάλεσεν τὸ ὄνομα αὐτοῦ *ζαβουλων

21. καὶ μετὰ τοῦτο ἔτεκεν θυγατέρα καὶ ἐκάλεσεν τὸ ὄνομα αὐτῆς *δινα

22. ἐμνήσθη δὲ θεὸς τῆς Ραχηλ καὶ ἐπήκουσεν αὐτῆς θεὸς καὶ ἀνέῳξεν αὐτῆς τὴν μήτραν

23. καὶ συλλαβοῦσα ἔτεκεν τῷ Iακωβ υἱόν εἶπεν δὲ Ραχηλ ἀφεῖλεν θεός μου τὸ ὄνειδος

24. καὶ ἐκάλεσεν τὸ ὄνομα αὐτοῦ Iωσηφ λέγουσα προσθέτω θεός μοι υἱὸν ἕτερον

25. ἐγένετο δὲ ὡς ἔτεκεν Ραχηλ τὸν Iωσηφ εἶπεν Iακωβ τῷ *λαβαν ἀπόστειλόν με ἵνα ἀπέλθω εἰς τὸν τόπον μου καὶ εἰς τὴν γῆν μου

26. ἀπόδος τὰς γυναῖκάς μου καὶ τὰ παιδία περὶ ὧν δεδούλευκά σοι ἵνα ἀπέλθω σὺ γὰρ γινώσκεις τὴν δουλείαν ἣν δεδούλευκά σοι

27. εἶπεν δὲ αὐτῷ *λαβαν εἰ εὗρον χάριν ἐναντίον σου οἰωνισάμην ἄν εὐλόγησεν γάρ με θεὸς τῇ σῇ εἰσόδῳ

28. διάστειλον τὸν μισθόν σου πρός με καὶ δώσω

29. εἶπεν δὲ αὐτῷ Iακωβ σὺ γινώσκεις δεδούλευκά σοι καὶ ὅσα ἦν κτήνη σου μετ' ἐμοῦ

30. μικρὰ γὰρ ἦν ὅσα σοι ἦν ἐναντίον ἐμοῦ καὶ ηὐξήθη εἰς πλῆθος καὶ ηὐλόγησέν σε κύριος ἐπὶ τῷ ποδί μου νῦν οὖν πότε ποιήσω κἀγὼ ἐμαυτῷ οἶκον

31. καὶ εἶπεν αὐτῷ *λαβαν τί σοι δώσω εἶπεν δὲ αὐτῷ Iακωβ οὐ δώσεις μοι οὐθέν ἐὰν ποιήσῃς μοι τὸ ῥῆμα τοῦτο πάλιν ποιμανῶ τὰ πρόβατά σου καὶ φυλάξω

32. παρελθάτω πάντα τὰ πρόβατά σου σήμερον καὶ διαχώρισον ἐκεῖθεν πᾶν πρόβατον φαιὸν ἐν τοῖς ἀρνάσιν καὶ πᾶν διάλευκον καὶ ῥαντὸν ἐν ταῖς αἰξίν ἔσται μοι μισθός

33. καὶ ἐπακούσεταί μοι δικαιοσύνη μου ἐν τῇ ἡμέρᾳ τῇ αὔριον ὅτι ἐστὶν μισθός μου ἐνώπιόν σου πᾶν ἐὰν μὴ ῥαντὸν καὶ διάλευκον ἐν ταῖς αἰξὶν καὶ φαιὸν ἐν τοῖς ἀρνάσιν κεκλεμμένον ἔσται παρ' ἐμοί

34. εἶπεν δὲ αὐτῷ *λαβαν ἔστω κατὰ τὸ ῥῆμά σου

35. καὶ διέστειλεν ἐν τῇ ἡμέρᾳ ἐκείνῃ τοὺς τράγους τοὺς ῥαντοὺς καὶ τοὺς διαλεύκους καὶ πάσας τὰς αἶγας τὰς ῥαντὰς καὶ τὰς διαλεύκους καὶ πᾶν ἦν λευκὸν ἐν αὐτοῖς καὶ πᾶν ἦν φαιὸν ἐν τοῖς ἀρνάσιν καὶ ἔδωκεν διὰ χειρὸς τῶν υἱῶν αὐτοῦ

36. καὶ ἀπέστησεν ὁδὸν τριῶν ἡμερῶν ἀνὰ μέσον αὐτῶν καὶ ἀνὰ μέσον Iακωβ Iακωβ δὲ ἐποίμαινεν τὰ πρόβατα *λαβαν τὰ ὑπολειφθέντα

37. ἔλαβεν δὲ ἑαυτῷ Iακωβ ῥάβδον στυρακίνην χλωρὰν καὶ καρυίνην καὶ πλατάνου καὶ ἐλέπισεν αὐτὰς Iακωβ λεπίσματα λευκὰ περισύρων τὸ χλωρόν ἐφαίνετο δὲ ἐπὶ ταῖς ῥάβδοις τὸ λευκόν ἐλέπισεν ποικίλον

38. καὶ παρέθηκεν τὰς ῥάβδους ἂς ἐλέπισεν ἐν ταῖς ληνοῖς τῶν ποτιστηρίων τοῦ ὕδατος ἵνα ὡς ἂν ἔλθωσιν τὰ πρόβατα πιεῖν ἐνώπιον τῶν ῥάβδων ἐλθόντων αὐτῶν εἰς τὸ πιεῖν

39. ἐγκιςήσωσιν τὰ πρόβατα εἰς τὰς ῥάβδους καὶ ἔτικτον τὰ πρόβατα διάλευκα καὶ ποικίλα καὶ σποδοειδῆ ῥαντά

40. τοὺς δὲ ἀμνοὺς διέστειλεν Iακωβ καὶ ἔστησεν ἐναντίον τῶν προβάτων κριὸν διάλευκον καὶ πᾶν ποικίλον ἐν τοῖς ἀμνοῖς καὶ διεχώρισεν ἑαυτῷ ποίμνια καθ' ἑαυτὸν καὶ οὐκ ἔμιξεν αὐτὰ εἰς τὰ πρόβατα *λαβαν

41. ἐγένετο δὲ ἐν τῷ καιρῷ ἐνεκίςησεν τὰ πρόβατα ἐν γαστρὶ λαμβάνοντα ἔθηκεν Iακωβ τὰς ῥάβδους ἐναντίον τῶν προβάτων ἐν ταῖς ληνοῖς τοῦ ἐγκιςῆσαι αὐτὰ κατὰ τὰς ῥάβδους

42. ἡνίκα δ' ἂν ἔτεκον τὰ πρόβατα οὐκ ἐτίθει ἐγένετο δὲ τὰ ἄσημα τοῦ *λαβαν τὰ δὲ ἐπίσημα τοῦ Iακωβ

43. καὶ ἐπλούτησεν ἄνθρωπος σφόδρα σφόδρα καὶ ἐγένετο αὐτῷ κτήνη πολλὰ καὶ βόες καὶ παῖδες καὶ παιδίσκαι καὶ κάμηλοι καὶ ὄνοι















Parse Information
Hover over the lovely Greek words to see parse information.